पुणे - पूर्व मोसमी पावसाने गुरुवारी (ता. १) शहर व परिसरात सलग तिसऱ्या दिवशी ही हजेरी लावली. मेघगर्जना, वादळी वारे अन् काही भागात गारांचा पाऊस झाला. एकीकडे कामाला तापमानाचा पारा ४० अंशाच्या घरात असल्याने दिवसा उन्हाचा ताप आणि दुपारनंतर पडणारा पाऊस अशी स्थिती सध्या पुण्यात आहे. तर शुक्रवारी (ता. १) पुणे व परिसरात दिवसा उष्ण वातावरण राहणार असून दुपारनंतर मात्र ढगाळ वातावरण होत पावसाची शक्यता हवामानशास्त्र विभागाने वर्तवली आहे.
गेल्या तीन दिवसांपासून शहरासह उपनगरांमध्ये पावसाची नोंद होत असून काही भागात तर वादळी वाऱ्यांसह गारांचा पाऊस पडत आहे. गुरुवारी सकाळपासून उन्हाचा झळा कायम होत्या. मात्र दुपारनंतर पुण्याच्या पश्चिम भागात ढग निर्माण होऊ लागले. त्यानंतर मात्र जिल्ह्यातील विविध भागात ढगाळ वातावरण आणि सोसाट्याचे वरे, विजांचा कडकडाटात शहर आणि उपनगरामध्ये पावसाच्या जोरदार सरी पडल्या. सांगवी, बाणेर या भागात गारांसह जोरदार पाऊस पडला. शिवाजीनगर, खडकवासला, वडगाव शेरी, खराडी, विमान नगर, औंध, पाषाण, सुतारवाडीसह विविध ठिकाणी वाऱ्यासह माध्यम ते जोरदार पाऊस पडला.
शहरात गुरुवारी ४०.१ अंश सेल्सिअस कमाल तापमान तर सायंकाळी ०.९ मिलिमीटर पावसाची नोंद झाली. तर सरासी पेक्षा तापमानात ४ अंशांनी वाढ झाली होती. जिल्ह्यात बऱ्याच ठिकाणी कमाल तापमानाचा पारा ४० अंशाच्या दरम्यान होता.
हवामानशास्त्र विभागाने दिलेल्या माहितीनुसार जिल्ह्यातील बऱ्याच ठिकाणी पुढील आठवडाभर कमाल तापमानाचा पारा हा ४० अंशाच्या दरम्यान असेल. त्यामुळे उन्हाच्या झळा अशाच कायम राहणार आहेत. तर पुणे आणि परिसरात येत्या दोन ते तीन दिवस दुपारनंतर पावसाचा अंदाज आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
