बालेवाडी : महापालिकेकडून २६९ ॲमिनिटी स्पेस (सुविधा क्षेत्र) च्या जागा दीर्घ मुदतीसाठी भाडेतत्त्वावर देण्याच्या निर्णयाला विरोध दर्शविण्यासाठी बाणेर येथे प्रभाग क्रमांक ९ (बाणेर- बालेवाडी- पाषाण)मधील राष्ट्रवादी काँग्रेस पक्षाचे पदाधिकारी तसेच सोसायटीतील नागरिकांकडून निषेध मोर्चा काढण्यात आला. (Pune News)
महापालिकेने शहरातील ॲमिनिटी स्पेस भाड्याने देण्यासाठी तयार केलेल्या यादीत सर्वाधिक जागा या बाणेरमधील ४२, तर बालेवाडी येथील २३ भूखंडांचा समावेश आहे. या जागा या भागातील नागरिकांच्या सोयीसाठी आहेत आणि त्या नागरिकांसाठी असल्या पाहिजेत, कोणत्याही परिस्थितीत या जागा बिल्डरच्या घशात जाता कामा नयेत, त्यामुळे या निर्णयाला विरोध दर्शविण्यासाठी बाणेर येथील बाबूराव सायकर चौकात निषेध मोर्चाचे आयोजन करण्यात आले होते.
या प्रसंगी सोसायटीतील प्रतिनिधींनी त्यांना विश्वासात न घेता हा निर्णय घेतल्याबद्दल संताप व्यक्त केला. या प्रसंगी आनंद गडकर, अरुण सामंत, सुषमा ताम्हाणे, राखी श्रीराव, पुनम विधाते, प्रा. रूपाली बालवडकर, अर्जुन शिंदे, डॉ. सागर बालवडकर, जंगल रणवरे, समीर चांदेरे, नितीन कळमकर, विशाल विधाते, संजय ताम्हाणे,,अर्जुन ननावरे, मनोज बालवडकर, डॉ. मीरा विधाळे, प्राची सिद्दीकी आदींसह बाणेर बालेवाडीमधील सोसायटीचे सभासद, राष्ट्रवादी काँग्रेस पक्षाचे पदाधिकारी व कार्यकर्ते सहभागी झाले होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
