केडगाव : मराठी मनाला अभिमान वाटावा असा कालचा दिवस. एअर चीफ मार्शल म्हणून विवेक राम चौधरी यांनी हवाईदलाच्या प्रमुखपदाची सुत्रे स्वीकारली. चौधरीसर हे नांदेडचे आहेत. भारतीय लष्कर व हवाई दलप्रमुखांची सुत्रे आता मराठी माणसांकडे आहे. याचा आपल्याला सार्थ अभिमान असायला पाहिजे.
भारतीय सैन्य दल हे जगात चौथ्या क्रमांकाचे समजले जाते. भारतीय सिमांच्या संरक्षणाची जबाबदारी हवाईदल, पायदल, नौदल या तीन विभागावर असते. यातील दोन विभागाचे प्रमुख हे आता मराठी आहेत. लष्कर प्रमुख म्हणून जनरल मनोज नरवणे हे काम पहात आहे.
जनरल गोपाळराव बेवूर, जनरल अरूणकुमार वैद्य, जनरल चौधरी, अॅडमिरल जयंत नाडकर्णी, अॅडमिरल करमरकर, एअर चीफ मार्शल लक्ष्मणराव कात्रे, एअर चीफ मार्शल ऋषीकेश मुळगावकर, लेफ्टनंट जनरल एसपीपी थोरात यांच्या थोर परंपरेत चौधरीसर व नरवणेसर यांनी मानचा तुरा रोवला आहे. अशा पराक्रमी सर्वोच्य मराठी सेनाधिका-यांची यादी मोठी आहे. आता प्रतिक्षा आहे ॲडमिरलपदावर मराठी माणूस विराजमान होण्याची.
आज यशवंतराव असते तर...
तत्कालीन संरक्षणमंत्री यशवंतराव चव्हाण यांनी एक खंत बोलून दाखवली होती. ''महाराष्ट्रात राष्ट्रीय संरक्षण प्रबोधिनी ( NDA) आहे परंतु NDA मध्ये महाराष्ट्र दिसत नाही.'' त्यानंतरची नरवणेसर आणि चौधरीसर यांची पिढी आहे. या पदांवर पोहचताना अनेक दिव्य पार करावी लागतात. अखेर राष्ट्रपती महोदयांच्या सहीने या पदांच्या निवडीवर शिक्कामोर्तब होते. अलिकडच्या काळात एनडीए व युपीएससीमधील मराठी तरूणांचा टक्का वाढला ही मराठीजनांसाठी समाधानाची बाब आहे.
या निमित्ताने दौंड तालुक्याचा विचार केला तर आणखी दोन दिग्गज मराठी सेनाधिका-यांचा उल्लेख केल्याशिवाय रहावत नाही. निवृत्तीनंतर या दोन दिग्गजांनी शेती करण्यासाठी दौंडच्या मातीला प्राधान्य दिले. स्व. मेजर रामराव राघोबा राणे, आलेगाव (परमवीर चक्र विजेते), लेफ्टनंट जनरल राजेंद्र निंभोरकर, भांडगाव (सर्जिकल स्ट्राईक मोहिमेचे प्रमुख). या दोघांनीही भारतीय लष्करात एक अविस्मरणीय कामगिरी करत एक इतिहास रचला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
