Pune Accident: पीएमपीएमएलच्या बसचे ब्रेक अचानक झाले निकामी, त्यानंतर जे घडलं ते...video viral

Latest Pune News: धायरी येथील डीएसके पायथा चव्हाण बाग येथे पीएमपीएमएलच्या बसचे ब्रेक निकामी झाल्याने बस थेट पत्र्याचे कंपाउंड मध्ये घुसली आहे. सुदैवाने यात कोणालाही इजा झालेली नाही.

धायरी येथील डीएसके येथून हडपसर भेकराईनगरकडे निघालेल्या बसचा रविवारी सकाळी साडेसात वाजता ब्रेक निकामी झाला. बस डीएसके कडून धायरीकडे जात असताना मोठा उतार आहे. त्याच उतारावर बसचे ब्रेक निकामी झाला. धायरी, डीएसके आणि नांदेडकडे जाणाऱ्या रस्त्या तीकोण्यावर ही घटना घडली आहे.

बस पत्र्याच्या कंपाउंडला धडकल्यानंतर पुढे खड्ड्यात व झाडाला अडकली. त्यामुळे, मोठे दुर्घटना टळली. येथे जवळच महावितरणचा मोठा ट्रांसफार्मर आहे. बस मध्ये जास्त प्रवासी नव्हते. अशी माहिती येथील रहिवासी मिलिंद चुटके यांनी सकाळची बोलताना दिली.

या ठिकाणी रस्ता उताराचा व अरुंद आहे. या ठिकाणी समोरून बस आल्यानंतर अन्य वाहनांना जाण्यासाठी रस्ता पुरेसा नाही. ह्या रस्त्याच्या रुंदीकरणाची गरज आहे. असे येथील रहिवाशी वर्षा बोरकर यांनी सांगितले.