Pune Accident News:
भरधाव ट्रकने दुचाकीला पाठीमागून धडक दिल्याने दोन विद्यार्थ्यांचा मृत्यू झाल्याची धक्कादायक घटना सोमवारी रात्री खराडी बायपास जकात नाक्याजवळ घडली. यात एका विद्यार्थ्याचा जागीच मृत्यू झाला. तर दुसऱ्याचा ससून रुग्णालयात उपचारादरम्यान मृत्यू झाला.
आदिल शेख आणि पाहद शेख (दोघे रा. लातूर) अशी मृत्युमुखी पडलेल्या विद्यार्थ्यांची नावे आहेत. ते पुण्यातील वाघोली येथील रायसोनी महाविद्यालयात शिक्षण घेत होते.
या प्रकरणी ट्रक चालकाविरुद्ध विमाननगर पोलिस ठाण्यात गुन्हा दाखल करण्यात आला आहे. श्यामबाबू रामफळ गौतम असे ट्रकचालकाचे नाव आहे. पोलिसांनी घटनास्थळावरून चालकास ताब्यात घेतले असून, त्याला ससून रुग्णालयात वैद्यकीय तपासणीसाठी नेले आहे.
पोलिसांनी दिलेल्या माहितीनुसार, गौतम हा वाघोलीतून ट्रक घेऊन चंदननगरच्या दिशेने निघाला होता. या भरधाव ट्रकने जकात नाक्याजवळ रात्री साडेदहा वाजण्याच्या सुमारास सिग्नलला थांबलेल्या दुचाकीला पाठीमागून जोरात धडक दिली.
ट्रकने दुचाकीवरील तिघांना सुमारे अर्धा किलोमीटर अंतरापर्यंत फरफटत नेले. त्यात आदिल आणि पाहद गंभीर जखमी झाल्याने त्यांचा मृत्यू झाला. आदिल आणि पाहद यांचा मित्र अफान शेखला गावी जायचे होते. त्यामुळे ते दोघे त्याला पुणे स्टेशनला सोडविण्यासाठी निघाले होते. यात अफानही गंभीर जखमी झाला आहे. त्याच्यावर रुग्णालयात उपचार सुरू आहेत. Pune Accident News
पोर्शे अपघाताने देशात खळबळ -
पुण्यातील रस्ते अपघाताची संख्या वाढत आहे. कल्याणी नगरमध्ये भरधाव वेगात आलेल्या पोर्शे कारने मोटारसायकलला धडक दिल्याने दोघांचा मृत्यू झाला होता. दारूच्या नशेत 17 वर्षीय अल्पवयीन कार चालवत होता. याप्रकरणी रोज नवनवीन खुलासे होत आहेत. आता पुणे पोलिसांनी अल्पवयीन मुलाच्या रक्ताच्या नमुन्याशी छेडछाड करून पुरावे नष्ट केल्याप्रकरणी दोन डॉक्टरांना अटक केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
