Pune - धायरी : मुंबई - बंगळुरू महामार्गावर भरधाव वेगाने जाणाऱ्या मालवाहतूक ट्रकच्या चालकाचे वाहनावरील नियंत्रण सुटल्याने विचित्र अपघात झाले. ४ चारचाकी वाहनांचे नुकसान झाले असून हा अपघात रविवारी सायंकाळी साडे पाच वाजण्याच्या सुमारास नऱ्हे येथील सेल्फी पॉइंटजवळ घडला. सुदैवाने कोणतीही जीवितहानी झाली नाही.
कोल्हापूरहून गुजरातकडे साखर घेऊन निघालेला ट्रक नऱ्हे हद्दीतील सेल्फी पॉइंट जवळ आला. ट्रक चालकाचे वाहनावरील नियंत्रण सुटले. यात ट्रकची समोर असलेल्या कारला धडक बसली. त्यामुळे समोर असणारी तीन वाहने एकमेकांना धडकली.
दरम्यान, रविवार सुट्टीचा दिवस असल्याने महामार्गावर वाहनांची गर्दी होती. सुदैवाने या अपघातात कोणीही जखमी झाले नाही. अपघाताचे वृत्त समजताच सिंहगड रस्ता वाहतूक विभागाचे तसेच पोलीस ठाण्याचे अधिकारी व अंमलदारानी घटनास्थळी धाव घेऊन अपघातग्रस्त वाहने बाजूला करून वाहतूक सुरळीत केली. पुढील तपास सिंहगड रस्ता पोलीस करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
