Pune Accident: जुलूस मिरवणुकीत झेंडा फडकवताना दोघांना विजेचा झटका; एकाचा मृत्यू, वडगाव शेरीतील घटना

Pune Accident: पुण्यामध्ये मोठी दुर्घटना घडली आहे. जुलूस मिरवणुकीत झेंडा फडकवताना दोघांना विजेचा झटका लागला आहे. यात एकाचा जागीच मृत्यू झालाय तर दुसऱ्यावर उपचार सुरू आहेत. वडगाव शेरीतील आनंद पार्क येथे आज सकाळी ही घटना घडली आहे. 'साम टीव्ही'ने यासंदर्भातील वृत्त दिलं आहे.

मिळालेल्या माहितीनुसार, जुलूस वडगाव शेरीतील आनंद पार्क येथून जात होता. काही तरुण हातात झेंडा घेऊन डॉल्बीच्या वरती थांबले होते. वाहन पुढे जात असताना एका तरुणाचा धक्का ओव्हर हेड वायरला लागला. त्यामुळे विजेचा झटका बसून त्याचा जागीत मृत्यू झाला आहे. दुसऱ्या एका तरुणाला देखीव विजेचा झडका बसला आहे. तो गंभीर जखमी झाला आहे.

तरुणांना विजेचा झटका बसल्यानंतर एकच गोंधळ निर्माण झाला. एक तरुण वायरला चिटकून बसला होता, तर दुसरा खाली पडला होता. दुसऱ्या तरुणाला बेशुद्ध अवस्थेमध्ये हॉस्पिटलमध्ये उपचारासाठी दाखल करण्यात आले आहे. तरुणांना उंचीवर ओव्हरहेड वायर असल्याचा अंदाज आला नाही. त्यामुळे हा अपघात घडला असल्याचं सांगण्यात येतंय. सदर प्रकरणी पोलीस तपास करत आहेत.