चंद्रकांत दादा पाटील यांनी फुले , आंबेडकर यांनी भीक मागून शिक्षण संस्था उभ्या केल्या असे वक्तव्य केले होते. ते पूर्ण चुकीचे आहे. त्याचा मी निषेधच करतो.
पुणे - चंद्रकांत दादा पाटील यांनी फुले , आंबेडकर यांनी भीक मागून शिक्षण संस्था उभ्या केल्या असे वक्तव्य केले होते. ते पूर्ण चुकीचे आहे. त्याचा मी निषेधच करतो. पण त्यांनी असे वक्तव्य केले म्हणून त्यांच्यावर शाही फेकणे हेही तितके चुकीचे आहे. ही महाराष्ट्राची संस्कृती नाही. कोणी कायदा हातात घेऊ नये. मी या घटनेचा निषेध करतो, अशा शब्दांत विरोधी पक्षनेते अजित पवार यांनी भाष्य केले.
पवार म्हणाले, 'चंद्रकांत पाटील यांनी जे वक्तव्य केले आहे. त्याबाबत आम्ही भूमिका स्पष्ट केलेली आहे. त्यांच्या वक्तव्याचे आम्ही समर्थन करत नाही.' पुण्यात एका खासगी कार्यक्रमासाठी पवार आले होते. त्यावेळी ते माध्यमांशी बोलत होते.
दरम्यान चंद्रकांत पाटील यांनी एका कार्यक्रमादरम्यान ऐकण्यासंदर्भात विरोधकांवर टीका केली. 'विरोधकांनी मागून वार करण्यापेक्षा पुढून वार करावा असे आव्हान पाटील यांनी दिले होते', त्यासंदर्भात चंद्रकांत अजित पवार यांना विचारले असता. पवार म्हणाले, 'विरोधी पक्षाचा याच्यामागे कोणताही हात नाही. उगीचच विनाकारण आरोप करू नये. कोणी काही बोलेल म्हणून त्याला उत्तर देत बसायचे का असा प्रति प्रश्नही पवार यांनी केला.
अजित पवार एका रिसेप्शनच्या खाजगी कार्यक्रमात आले होते त्यावेळी ते माध्यमांशी बोलले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.