पुणे:"बारामती येथील एका जमीन व्यवहार प्रकरणी हायकोर्टात याचिका दाखल, अशी बातमी काल एका चॅनेलने दाखवली. माझा दुरान्वयानेही संबंध नसताना धादांत खोटा आरोप करण्यात आला. कशासाठी हे धंदे करता? तुम्हाला खऱ्या बातम्या द्यायला काय होतं. वास्तविकता कन्फर्म करा ना. नेमके काय झाले," अशा शब्दांत उपमुख्यमंत्री अजित पवार यांनी प्रसारमाध्यमांवर आगपाखड केली.
महाराष्ट्र राज्य सहकार परिषदेच्या कार्यक्रमानंतर ते पत्रकारांशी बोलत होते.
पवार म्हणाले, "राज्य सहकारी बँकेतही धाडी पडल्या? कुठे धाड पडली, मी याबाबत सहकार आयुक्त अनिल कवडे यांच्याकडे विचारणा केली. काहीही बातम्या देतात. मीडियाला बातम्या देण्याचा अधिकार आहे. सामाजिक, राजकीय क्षेत्रातील लोकांना मीडियाबद्दल आदरच आहे याबद्दल दुमत नाही. परंतु जनतेच्या मनातील विश्वासार्हता कमी होऊ नये, यासाठीही प्रसारमाध्यमांनी लक्ष देण्याची गरज आहे."
संबंधित चॅनेलवर कारवाई करणार का, याबाबत पवार म्हणाले, "कायदेशीर कारवाई करण्यासाठी मला काही तेवढाच उद्योग नाही. आमच्यामागे भरपूर कामे आहेत. त्याच्यासाठी वकील द्या. अमकं द्या तमकं द्या. एवढेच धंदे आहेत का आम्हाला? आम्ही सकाळी सहा-सात वाजल्यापासून कामाला लागतो. फक्त याची नोंद सर्व मीडिया, चॅनेल आणि ते चालविणाऱ्या संपादकांनी घ्यावी एवढीच कळकळीची विनंती आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
