बारामती : यंदाच्या कविवर्य मोरोपंत वक्तृत्व स्पर्धेचे विजेतेपद¬¬ पराग राजेंद्र बदिरके (यशवंतराव चव्हाण विधी महाविद्यालय, पुणे) याने पटकावले. रोहन ज्योतीराम कवडे व तेजस दिनकर पाटील यांच्या संघाने (अप्पासाहेब जेधे महाविद्यालय, पुणे) हा वादविवाद स्पर्धेचे विजेतेपद मिळविले.
उस्फूर्त वक्तृत्व स्पर्धेचे विजेतेपद यशवंतराव चव्हाण विधी महाविद्यालयाच्या पराग राजेंद्र बदिरके याने पटकावले. तर कनिष्ठ महाविद्यालय विभागामध्ये टी.सी कॉलेजच्या किमया दिलीपकुमार काळदाते हिने प्रथम क्रमांक मिळवला. प्रसिद्ध नाटककार मकरंद साठे यांच्या हस्ते व संस्थेचे सदस्य विकास लेंगरेकर यांच्या उपस्थितीत विजेत्यांना पारितोषिके प्रदान झाली.
बारामती नगर परिषद आणि तुळजाराम चतुरचंद महाविदयालय, बारामती यांच्या विद्यमाने 23 व 24 सप्टेंबर रोजी कविवर्य मोरोपंत आंतरमहाविद्यालयीन वक्तृत्व व वादविवाद स्पर्धेचे आयोजन करण्यात आले होते. स्पर्धेचे हे 49 वे वर्ष होते. महाराष्ट्रातील विविध महाविद्यालयातील 45 स्पर्धकांनी सहभाग नोंदवला. स्पर्धेचे परीक्षण डॉ. आनंदा गांगुर्डे, डॉ. संजय दीक्षित, डॉ. शिवाजी गावडे, राजकुमार कदम, डॉ. अच्युत शिंदे आणि शर्वरी देशपांडे यांनी केले.
महाविद्यालयाचे प्राचार्य डॉ. चंद्रशेखर मुरूमकर यांनी स्वागत केले. स्पर्धचे कार्याध्यक्ष डॉ. शशांक माने यांनी प्रास्ताविक केले. सुत्रसंचालन मेघा बडवे आणि संजय शेंडे यांनी सूत्रसंचालन केले. विनायक लष्कर यांनी आभार मानले.
स्पर्धेचा सविस्तर निकाल पुढीलप्रमाणे-
कनिष्ठ महाविद्यालय वक्तृत्व स्पर्धा
प्रथम क्रमांक - किमया दिलीपकुमार काळदाते, (तुळजाराम चतुरचंद महाविद्यालय, बारामती)
द्वितीय क्रमांक - श्रद्धा महादेव चोपडे, (शारदाबाई पवार महिला महाविद्यालय, बारामती)
वरिष्ठ महाविद्यालय वक्तृत्व स्पर्धा
प्रथम क्रमांक - पराग राजेंद्र बदिरके, (यशवंतराव चव्हाण विधी महाविद्यालय, पुणे )
द्वितीय क्रमांक - मुग्धा थोरात (फर्ग्युसन महाविद्यालय, पुणे)
मोरोपंत विषयात प्रथम क्रमांक - नयन बाबासाहेब पुरी, (तुळजाराम चतुरचंद महाविद्यालय, बारामती)
उत्तेजनार्थ - यश रविंद्र पाटील, (बी. के. बिनी महाविद्यालय, मुंबई) व
तेजस दिनकर पाटील, (अप्पासाहेब जेधे कॉलेज, पुणे )
वादविवाद स्पर्धा
प्रथम क्रमांक - संघ - आप्पासाहेब जेधे कॉलेज, पुणे
स्पर्धक - रोहन ज्योतीराम कवडे, तेजस दिनकर पाटील
द्वितीय क्रमांक - संघ - न्यु आर्टस्, सायन्स, कॉमर्स कॉलेज, अहमदनगर
स्पर्धक - महेश जनार्दन उशिर, प्रविण सुभाष काजळे
उत्स्फूर्त वक्तृत्व स्पर्धा
प्रथम क्रमांक - पराग राजेंद्र बदिरके, यशवंतराव चव्हाण विधी महाविद्यालय, पुणे
द्वितीय क्रमांक - समृद्धी संतोष मुंगसे, छ. शि. म. कला वाणिज्य महाविद्यालय, चाकण
फोटो- बारामती- कविवर्य मोरोपंत वादविवाद व वक्तृत्व स्पर्धेतील विजेते मान्यवरांसोबत.
मिलिंद संगई, बारामती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.