Pune : पुण्यात विविध ठिकाणी बुद्ध जयंती उत्साहात

Pune - सम्राट अशोक सेनेतर्फे बुद्ध जयंतीनिमित्त बंडगार्डन पोलिस ठाण्याच्या आवारात व पारसी दफनभूमीच्या आवारात पशुपक्ष्यांसाठी पिण्याच्या पाण्यासाठी पात्र लावण्यात आले. बंडगार्डन पोलिस ठाण्याच्या निरीक्षक अश्विनी सातपुते यांनी ते स्वीकारले. यावेळी सम्राट अशोक सेनेचे संस्थापक अध्यक्ष विनोद चव्हाण, राजीव जैन, आशा चौधरी, प्रीतम ढसाळ, पूर्वा शिंदे आदी उपस्थित होते.

बुद्ध पौर्णिमेनिमित्त राष्ट्रवादी काँग्रेसच्या कॅंटोन्मेंट विधानसभा मतदार संघ व मैत्री ग्रुपतर्फे पुणे स्टेशन येथे डॉ. बाबासाहेब आंबेडकर आणि भगवान गौतम बुद्ध यांच्या प्रतिमेस पुष्पहार अर्पण करून ताडीवाला रस्ता येथे नागरिकांना खीर वाटप करण्यात आली. या प्रसंगी मंगेश मिसाळ, हनुमंत मिसाले, समीर शेख, सागर शेडगे, महेंद्र कांबळे, सचिन पारधे, मंगेश बारवकर आदी उपस्थित होते.

अखिल भारतीय सफाई मजदूर काँग्रेसतर्फे वानवडीत सफाई मजदूर कार्यालयात भगवान बुद्ध आणि डॉ. आंबेडकर यांच्या प्रतिमेस काँग्रेसचे राष्ट्रीय महामंत्री डॉ. अनुपम बेगी यांच्या हस्ते पुष्पहार अर्पण करण्यात आला. या प्रसंगी हृषिकेश गोहर, भारत जाधव, अरविंद चव्हाण, अमित भारवासी, गोपाल सोळंकी, महेंद्र चव्हाण आदी उपस्थित होते.