पुणे : सोमवार (ता.४) पासून शहर व परिसरात सकाळी निरभ्र आकाश, दुपारनंतर ढगाळ वातावरण आणि काही ठिकाणी मध्यम ते मुसळधार पावसाने हजेरी लावल्याचे पाहायला मिळत आहे. शनिवार (ता.९) पर्यंत तरी पुणे शहर व परिसरात आकाश अंशतः ढगाळ आणि दुपारनंतर मेघगर्जनेसह विजांच्या कडकडाटात मुसळधार पावसाची शक्यता हवामान खात्याने वर्तवली आहे. तसेच, जिल्ह्यात घाटमाथ्यावर तुरळक ठिकाणी मुसळधार पावसाची शक्यताही वर्तविण्यात आली आहे.
बुधवारी (ता.६) शहरात दुपारनंतर बहुतेक ठिकाणी मध्यम ते जोरदार स्वरूपाच्या पावसाने हजेरी लावली होती. दुपारपर्यंत निरभ्र असलेल्या आकाशात अचानकच ढगांची गर्दी होत जोरदार पाऊस पडला. त्यामुळे अनेकांची तारांबळ उडाली. अर्धा-एक तास चाललेल्या या पावसानंतर रस्त्यावर काही अंशी वाहतूक कोंडी झाल्याचे पहायला मिळाले.
बुधवारचा पाऊस (संध्याकाळी सात पर्यंत) :
ठिकाण : पाऊस (मिलिमीटर)
पुणे शहर : १५
लोहगाव : ६
पाषाण : १५.२
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.