पुणेकरांच्या बेशिस्तीचे घडले दर्शन; नियम मोडणाऱ्या 'इतक्या' नागरिकांवर गुन्हे दाखल!

पुणे : शहरात कोरोनाचा प्रादुर्भाव दिवसेंदिवस वाढत आहे. या पार्श्वभूमीवर कोरोनाशी संबंधित नियम न पाळणे, रस्त्यावर विनाकारण फिरणाऱ्या नागरिकावर पोलिसांकडून कारवाई करण्यात येत आहे. तीन ते सात जुलैदरम्यान 262 वाहने जप्त केली असून 2 हजार 432 नागरिकांवर गुन्हे दाखल करण्यात आले आहेत.

- अॅम्बुलन्ससाठी होणारी लूट थांबणार; नवे दर काय आहेत ते जाणून घ्या!​

शहरासह जिल्ह्यात कोरोना बाधित रुग्णाची संख्या वाढत आहे. त्यामुळे नागरिकांनी पोलिस तसेच प्रशासनाने दिलेल्या सूचनांचे पालन करून योग्य ती खबरदारी घेणे गरजेचे आहे. मात्र, त्याउलट नागरिक विनाकारण रस्त्यावर फिरताना दिसून येत आहेत. त्यामुळे नियम न पळणाऱ्यावर पोलिसांकडून कारवाईचा बडगा उगारण्यात येत आहे.

- हवेलीकरांच्या काळजीत पडली भर; तालुक्‍यातील २० गावे होणार सील!​

मास्क न घालणे (778), सोशल डिस्टनसिंगचे नियम न पाळणे (3), तीनपेक्षा जास्त प्रवासी वाहतूक (107), वेळेचे बंधन न पळता दुकाने उघडी ठेवणे (45), विनाकारण रस्त्यावर पायी फिरणे (901), विनाकारण गाडीवर फिरणे (336) गुन्हे दाखल केले. तर 262 वाहने जप्त केली आहेत. असे एकूण 2 हजार 432 गुन्हे दाखल करण्यात आले आहेत, अशी माहिती पोलिस उपायुक्त (गुन्हे शाखा) बच्चन सिंग यांनी दिली. प्रतिबंधित भागात 94 ठिकाणी नाकाबंदी करण्यात आली आहे. शहरात रात्री 10 ते पहाटे 5 या वेळेत संचारबंदीचे आदेश लागू करण्यात आले आहेत.

- 'महाजॉब्स' म्हणजे नव्या आवरणात जुनाच माल; वाचा कोणी केली टीका?​

कोरोना संदर्भात नियम मोडल्याप्रकणी चार दिवसांत दोन हजार 432 गुन्हे दाखल करण्यात आले आहेत. पुणेकर नागरिकांनी योग्य ती खबरदारी घ्यावी आणि नियमांचे पालन करावे. लॉकडाऊनच्या काळात नियमांचे पालन न करणाऱ्यांवर यापुढेही कारवाई सुरूच राहणार आहे. 
- डॉ. के. व्यंकटेशम, पोलिस आयुक्त, पुणे शहर 

- पुण्याच्या बातम्या वाचण्यासाठी येथे क्लिक करा

अशी केली कारवाई : 
- मास्क न घालणे - 778
- सोशल डिस्टन्स न पाळणे - 3
- तीनपेक्षा जास्त प्रवासी वाहतूक - 107
- वेळेचे बंधन न पळता दुकाने उघडी ठेवणे - 45
- विनाकारण रस्त्यावर पायी फिरणे - 901  
- विनाकारण गाडीवर फिरणे - 336
- जप्त केलेली वाहने - 262

- ताज्या बातम्यांसाठी डाऊनलोड करा ई-सकाळचे ऍप