काँग्रेस नेते राहुल गांधी यांची खासदारकी रद्द केलेल्या क्षणापासून काँग्रेसने रणशिंग फुंकले असून, आता अंतिम लढ्याला सुरवात केली आहे.
पुणे - काँग्रेस नेते राहुल गांधी यांची खासदारकी रद्द केलेल्या क्षणापासून काँग्रेसने रणशिंग फुंकले असून, आता अंतिम लढ्याला सुरवात केली आहे. पंतप्रधान नरेंद्र मोदी आणि भाजपला सत्तेतून पायउतार केल्याशिवाय काँग्रेस पक्ष स्वस्थ बसणार नाही, अशी प्रतिक्रिया महाराष्ट्र प्रदेश कॉग्रेसचे उपाध्यक्ष मोहन जोशी यांनी दिली.
ते म्हणाले, काँग्रेसचे नेते राहुल गांधी यांनी देशातील महाभयंकर महागाई, बेकारी, कोलमडलेली अर्थव्यवस्था, भ्रष्टाचार याविरुद्ध संसदेत मोदी सरकारला धारेवर धरले आहे. त्यांची खासदारकी रद्द करणे म्हणजे केंद्रातील भाजप सरकारला लागलेली अखेरची घरघर आहे. किंबहुना त्यांच्या या षडयंत्राला ‘विनाशकाले विपरीत बुद्धी’ असेच म्हणावे लागेल.
राहुल गांधी यांनी ‘भारत जोडो’ यात्रेतून साऱ्या देशाला आपलेसे केले. त्यांच्या रूपाने देशातील जनतेला आश्वासक पर्याय निर्माण झाल्याचे चित्र देशात वाढत आहे. राहुल गांधी यांची प्रतिमा आता अधिक उंचावली आहे. त्यामुळेच त्यांचा आवाज बंद करण्यासाठी भाजपने केलेला हा लोकशाही विरोधी प्रयत्न आहे. देशातील जनता मोदी सरकारला सत्तेवरून दूर करेल, असे जोशी यांनी नमूद केले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
