कॅन्टोन्मेंट : बोपदेव घाटात चार अज्ञातांनी चाकूच्या धाकाने सहा हजार पाचशे रुपयांचे तीन मोबाईल आणि रोख एक हजार रुपये लुटून नेणाऱ्या चौघांवर गुन्हा दाखल केला आहे. बोपदेव घाटात १२ जानेवारी २०२२ रोजी रात्री अकराच्या सुमारास ही घटना घडली.
रामा थापा (वय २२, रा. मिठानगर, कोंढवा खुर्द, पुणे) यांनी कोंढवा पोलीस स्टेशनमध्ये फिर्याद दिली असून, त्यानुसार गुन्हा दाखल केला आहे.
पोलिसांनी सांगितले की, फिर्यादी सिक्युरिटी गार्डचे काम करत असून, चुलतभाऊ अमन थापा (वय १८) व त्याचा मित्र सुरेंद्र थापा यांच्यासह मोटारसायकलवरून जात बोपदेव घाटातून सासवड रस्त्याकडे जात होते. त्यावेळी दुचाकीवरून चार अनोळखी व्यक्ती आल्या आणि भाऊ व मित्राला चाकूच्या धाकाने तीन मोबाईल व रोख रक्कम एक हजार रुपये असा एकूण सहा हजार ५०० रुपयांचा मुद्देमाल चोरून नेला. कोंढवा पोलीस स्टेशनच्या महिला पोलीस उपनिरीक्षिका चैत्राली गपाट पुढील तपास करीत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
