Pune Crime : पत्नीला मित्रांसोबत शरीरसंबंध ठेवण्यास भाग पाडणाऱ्या पतीविरुद्ध गुन्हा

पुणे - पत्नीला देहविक्रय करण्यासाठी धमकावून मित्रांसोबत शरीरसंबंध ठेवण्यास भाग पाडल्याचा गंभीर प्रकार समोर आला आहे. याप्रकरणी पोलिसांनी पतीसह त्याच्या दोन मित्रांविरुध्द गुन्हा दाखल केला आहे. या संदर्भात एका २५ वर्षीय महिलेने फिर्याद दिली आहे. त्यानुसार हडपसर पोलिस ठाण्यात पतीसह त्याचे मित्र आदित्य गौतम (रा. कसबा पेठ) आणि सुजित पुजारी (रा. आंबेगाव बुद्रूक) यांच्याविरुद्ध अनैतिक व्यापार प्रतिबंधक आणि ॲट्रासिटी कायद्यांतर्गत गुन्हा दाखल केला आहे. हा प्रकार डिसेंबर २०२० ते मे २०२२ या कालावधीत घडला.

पोलिसांनी दिलेल्या माहितीनुसार, पतीने पैशाची गरज भागवण्यासाठी पत्नीला मारहाण करून इच्छेविरुद्ध उंड्री-हांडेवाडी रस्त्यावर देहविक्रय करण्यासाठी उभे केले. त्यानंतर दोघा मित्रांसोबत पत्नीला शरीरसंबंध ठेवण्यास भाग पाडले. दरम्यान, फिर्यादी महिला एके दिवशी रास्ता पेठेतून जाताना पतीच्या मित्रांनी तिला रस्त्या अडवले. या वेळी जातिवाचक शिवीगाळ करून व्हिडिओ व्हायरल करण्याची आणि जीवे मारण्याची धमकी दिली. याबाबत महिलेने समर्थ पोलिस ठाण्यात तक्रार दिली. त्यानंतर हडपसर पोलिस ठाण्यात सोमवारी गुन्हा वर्ग करण्यात आला आहे. पुढील तपास हडपसर विभागाचे सहायक पोलिस आयुक्त बजरंग देसाई हे करीत आहेत.