Pune Minor Girl Sexually Assaulted: अल्पवयीन मुलीला दारू पाजून बलात्कार करण्यात आल्याची धक्कादायक घटना घडली आहे. याप्रकरणी मित्रांसह मैत्रिणीविरुद्ध गुन्हा दाखल करण्यात आला आहे. अल्पवयीन तरुणीवर मैत्रिणीच्या मदतीने २ मित्रांनी अत्याचार केला आहे. अत्याचार करणारे अल्पवयीन तरुणांना पोलिसांनी ताब्यात घेतले आहे. अल्पवयीन तरुणीला मैत्रिणीनेच दारू पाजल्याचं समजत आहे. पुण्यात एप्रिल महिन्यात घडलेला हा प्रकार आता उघडकीस आला आहे.
मिळालेल्या माहितीनुसार, हा सगळा प्रकार एप्रिल महिन्यात घडला आहे. पीडित तरुणी आणि तिची मैत्रीण हे घराजवळ राहतात त्यामुळे त्यांची पहिल्यापासूनच ओळख होती. आरोपी मैत्रिणी हिने पीडित तरुणी हिला घेऊन तिच्या मित्रांसोबत पार्टी करण्यासाठी नेले. पीडित तरुणीला रिक्षात बसवून मैत्रिणीने तिच्या मित्रांना सुद्धा पार्टीसाठी बोलवले होते.
