राहू - नजीक सोनवणे डेअरी फार्म परिसरात एका परप्रांतीय कामगाराचा मृतदेह महादेव तुकाराम शिंगारे यांच्या विहिरीच्या पाण्यात तरंगताना आज ता. २४ सकाळी साडेनऊ वाजण्याच्या येथील काही कामगारांना आढळून आला.
राहूचे पोलीस पाटील सुरेश सोनवणे यांनी यासंदर्भात पोलिसात फिर्याद दिली आहे.भिमकुमार अनिल यादव (वय ३०) मुळ राहणार जयपूर (ता. मेहंदीया) जि. आरवल , राज्य बिहार असे खून झालेल्या परप्रांतीय कामगाराचे नाव आहे.भिमकुमार हा सोनवणे डेअरी फार्म मध्ये कामगार म्हणून विजय उर्फ रामराव शहाजी सोनवणे यांच्या म्हशीच्या गोठ्यावर कामाला होता.
परप्रांतीय कामगाराचा नेमका खून कशामुळे व कोणत्या कारणांमुळे झाला याचा अद्याप उलगडा लागलेला नाही. याबाबत दौंडचे पोलीस उपविभागीय अधिकारी स्वप्निल जाधव, पोलीस निरीक्षक हेमंत शेडगे , फौजदार संतोष कदम यांनी तातडीने घटनास्थळी भेट देऊन पुढील तपासाची चक्रे वेगाने फिरवली आहे.
यवत पोलीस स्टेशनच्या हद्दीत परप्रांतीय कामगारांची संख्या मोठी आहे. परंतु कामगारांची पोलीस स्टेशन दप्तरी मूळ मालकांनी अधिकृत नोंद केली नाही. त्यामुळे तपास लावणे यवत पोलिसांपुढे मोठे आव्हान आहे.
प्रतिक्रिया -
खूणाच्या तपासासाठी चक्रे तातडीने फिरवली आहे. लवकरात लवकर खुनाचा धागेदोरा लागेल. पुढील तपास वेगाने सुरू आहे. हेमंत शेडगे - पोलीस निरीक्षक यवत (ता. दौंड)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.