Pune Crime: पुण्यात गुन्हेगारीचं प्रमाण वाढत आहे. शहरात कोयता हल्यात तरुणाचा मृत्यू झाल्याची माहिती समोर येत आहे. उत्तमनगरमध्ये मित्रानेच मित्रावर कोयत्याने वार केले आहेत. रविवारी दुपारी ही घटना घडली आहे. मिळालेल्या माहितीनुसार, जयदीप भोडेकर (वय २२) असं मयत तरुणाचे नाव आहे.
आरोपी अमित गुजरला उत्तमनगर पोलिसांनी अटक केली आहे. उत्तमनगर पोलिसांनी याप्रकरणी गुन्हा दाखल केला आहे. उत्तमनगर मासेअळी मधील ही घटना आहे. पोलिसांनी दिलेल्या माहितीनुसार, दोघेही एकमेकाचे मित्र आहेत. किरकोळ वादातून अमितने जयदीपचा खून केल्याचा पोलिसांना संशय आहे. याप्रकरणी अधिक तपास उत्तमनगर पोलीस करत आहेत.