Pune Crime - एका २३ वर्षीय विवाहितेवर पतीसह त्याच्या पाच मित्रांनी सामूहिक लैंगिक अत्याचार केल्याचा धक्कादायक प्रकार समोर आला आहे. या प्रकरणी अद्याप कोणाला अटक करण्यात आलेली नाही.
याबाबत विवाहितेच्या वडिलांनी फिर्याद दिली आहे. त्यावरून पती (रा. गारखेडा जि. औरंगाबाद) याच्यासह सहाजणांविरुध्द मार्केट यार्ड पोलिस ठाण्यात गुन्हा दाखल केला आहे. पोलिसांनी दिलेल्या माहितीनुसार, पीडित विवाहितेचा पती तिला सतत मारहाण करीत होता.
त्यामुळे ती पुण्यात माहेरी परत आली होती. त्यानंतर २७ फेब्रुवारी २०२० रोजी पती हा पुण्यात तिच्या घरी आला. त्याने पत्नीला बाहेर बोलावून घेतले. त्यानंतर पती आणि त्याच्या इतर पाच मित्रांनी तिच्यावर लैंगिक अत्याचार केला.
आरोपींनी या अत्याचाराचे मोबाइलमध्ये चित्रीकरण केले. पोलिसांकडे तक्रार केल्यास तो व्हिडिओ व्हायरल करण्याची धमकी देवून वेळोवेळी तिच्यावर अत्याचार केला. याबाबत न्यायालयाने गुन्हा दाखल करण्याचे आदेश दिल्यानंतर मार्केट यार्ड पोलिसांनी गुन्हा दाखल केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
