सबस्क्राईब करा
latest Pune News: रिपब्लिकन पार्टी ऑफ इंडियाचे (आठवले गट) नेते परशुराम वाडेकर यांना जातिवाचक शिवीगाळ करून जीवे मारण्याची धमकी दिल्याप्रकरणी एका डॉक्टरविरुद्ध गुन्हा दाखल करण्यात आला.
या प्रकरणी परशुराम बाळकृष्ण वाडेकर (वय ५३, रा. खडकी) यांनी बंडगार्डन पोलिस ठाण्यात फिर्याद दिली आहे.
त्यावरून डॉ. अमित कस्तुरीलाल लुथरा (रा. विमाननगर) यांच्याविरुद्ध गुन्हा दाखल करण्यात आला आहे. डॉ. लुथरा आणि त्यांची पत्नी यांच्यात वाद झाला होता. डॉ. लुथरा हे पत्नीला त्रास देत असल्याने यांनी वाडेकर यांची भेट घेतली. या महिलेने पतीकडून होणाऱ्या त्रासाबाबत रिपब्लिकन पक्षाचे वाडेकर यांना अर्ज दिला होता. त्याचा डॉ. लुथरा यांना राग आला.
त्यानंतर डॉ. लुथरा यांनी २२ सप्टेंबर रोजी सरकारी (आयबी) विश्रामगृहाच्या आवारात अडवून जातिवाचक शिवीगाळ करून जीवे मारण्याची धमकी दिली, असे वाडेकर यांनी फिर्यादीत म्हटले आहे. या प्रकरणी गुरुवारी (ता. २६) गुन्हा दाखल करण्यात आला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
