पुणे : टोळक्‍याने अल्पवयीन मुलाचा पाठलाग करून त्याच्यावर गोळीबार केल्याची धक्कादायक घटना उघडकीस आली आहे. या गोळीबारातुन मुलगा बचावला. याप्रकरणी सहा ते सात जणांविरुद्ध उत्तमनगर पोलिस ठाण्यात गुन्हा दाखल करण्यात आला आहे. हि घटना वारजे येथे गुरुवारी रात्री साडे आठ वाजता घडली. (Pune Crime News)
याप्रकरणी संबंधित अल्पवयीन मुलाने उत्तमनगर पोलिस ठाण्यात फिर्याद दिली आहे. पोलिसांनी दिलेल्या माहितीनुसार, फिर्यादी मुलगा व त्याचा मित्र गुरूवारी रात्री साडे नऊ वाजता मित्राकडे वाढदिवसासाठी निघाले होते. वारजे भागातील रामनगर परिसरात त्यांची दुचाकी आली. तेव्हा टोळक्‍याने त्यांना अडविले. दोघांना शिवीगाळ करून मारहाण करण्यास सुरुवात केली.
त्यानंतर त्यांनी अल्पवयीन मुलावर गोळीबार केला, सुदैवाने गोळी त्याला लागली नाही. मात्र गोळीचा आवाज ऐकल्यानंतर परिसरातील रहिवासी जमा झाले. टोळक्‍यातील काहीजणांनी रहिवाशांना धमकावले. पसार झालेल्या आरोपींचा पोलिसांकडून शोध घेण्यात येत आहे. या प्रकरणाचा तपास सहाय्यक पोलिस निरीक्षक पी. एम. वाघमारे करीत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
