Latest Pune News: कामगार पुतळा परिसरातील मुठा नदीच्या पात्रात गुरुवारी (ता. १४) ज्येष्ठ महिलेचा मृतदेह आढळून आला. रेल्वेने धडक दिल्यामुळे महिलेचा मृतदेह रेल्वे रुळावरून खाली पडल्याची शक्यता पोलिसांनी व्यक्त केली.
सुहासिनी सुधीर देसाई (वय ७८, रा. विवेकानंद सोसायटी, सिंहगड रस्ता, पर्वती) असे मृत्युमुखी पडलेल्या महिलेचे नाव आहे. या प्रकरणी शिवाजीनगर पोलिस ठाण्यात अकस्मात मृत्यूची नोंद करण्यात आली आहे. सुहासिनी यांचा अपघात आहे की आत्महत्या या बाबी गृहीत धरुन तपास करण्यात येत आहे, असे वरिष्ठ पोलिस निरीक्षक चंद्रशेखर सावंत यांनी सांगितले.
