भोर - शहरातील कोरोनाग्रस्तांचा (Corona Affected) प्रसार रोखण्यासाठी प्रशासनाने (Administrative) शुक्रवार (ता.७) पहाटे १ वाजल्यापासून ते बुधवार (ता. १२) रात्री १२ वाजेपर्यत भोर शहरात (Bhor City) कडक लॉकडाऊन (Lockdown) घोषीत करण्यात आला. प्रांताधिकारी राजेंद्रकुमार जाधव (Rajendrakumar Jadhav) यांच्या मार्गदर्शनाखाली बुधवारी (ता.5) दुपारी येथील पंचायत समितीच्या तालुका प्रशासनाची बैठक (Meeting) झाली. त्यामध्ये भोर शहर व शहरालगतच्या भोलावडे गावात सहा दिवसांच्या कडक लॉकडाऊनचा निर्णय घेण्यात आला. (Pune district Bhor 6 days strict lockdown News)
त्यानंतर प्रशासनाच्या वतीने प्रसिध्दीपत्रक काढून लॉकडाऊनचा निर्णय जाहीर करण्यात आला.या बैठकीस तहसीलदार अजित पाटील, गटविकास अधिकारी विशाल तनपुरे, तालुका वैद्यकीय अधिकारी डॉ. सूर्यकांत क-हाळे, नगरपालिकेचे मुख्याधिकारी विजयकुमार थोरात, भोर व राजगड पोलिस ठाण्याचे पोलिस निरीक्षक उपस्थित होते.
लॉकडाऊनच्या काळात फक्त रुग्णालये, औषधे व आरोग्य सुविधा कार्यरत राहणार आहेत. फक्त दूधवितरण सेवा ही सकाळी ७ ते ९ या वेळेतच सुरु राहणार आहे. भाजीविक्री, फळेविक्री व किराणा दुकानांसह इतर सर्व व्यवसाय बंद राहणार आहेत. लॉकडाऊनच्या काळात शहरात बाहेरच्या कोणालाही प्रवेश दिला जाणार नाही. यासाठी शहराच्या एसटी स्टँड, रामबाग नाका, चौपाटी व महाड नाका या चार ठिकाणी पोलिस बंदोबस्त ठेवण्यात येणार असल्याचे मुख्याधिकारी विजयकुमार थोरात यांनी सांगितले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
