पुणे : नायझेरियन दाम्पत्याकडून एक कोटी रुपये किंमतीचे अमली पदार्थ जप्त

पुणे - अमली पदार्थ विरोधी पथकाकडून अमली पदार्थ विक्री करण्यासाठी आलेल्या नायझेरियन दाम्पत्यास अटक करण्यात आली. पोलिसांनी त्यांच्याकडून एक कोटी रुपये किमतीचे कोकेन, एमडी असा अमली पदार्थ जप्त करण्यात आले.

उगचुक ईम्यानुअल (वय ४३, रा. नालंदा रेसिडेन्सी, बाणेर), एनिबेली ओमामा व्हिवान (वय ३०, रा. नालंदा रेसिडेन्सी, बाणेर, दोघेही मूळ रा. नायजेरिया) अशी अटक केलेल्या संशयित आरोपीची नावे आहेत. पोलिसांनी दिलेल्या माहितीनुसार, बाणेर येथील नालंदा रेसिडेन्सी येथे दोन व्यक्तीकडे अमली पदार्थ असून त्यांच्याकडून अमली पदार्थ विक्री केली जात असल्याची खबर अमली पदार्थ विरोधी पथकाच्या (क्रमांक एक) पोलिस कर्मचाऱ्यांना मिळाली.