Pune Murder: दोन राज्यांना हादरवणारी घटना! पुण्याच्या उद्योगपतीची कर्नाटकात हत्या, पत्नीलाही केलं जखमी

Pune murder: पुणे येथील प्रसिद्ध उद्योजकाचा हाणकोण येथे रविवारी खुन झाला. चार ते पाच मारेकऱ्यांनी हा खून केला. विनायक काशिनाथ नाईक (वय ५२) असे त्यांचे नाव आहे. ते मुळचे हाणकोणचे रहिवासी आहेत. या हल्ल्यात त्यांची पत्नी जखमी झाली आहे.

याबाबत समजलेली अधिक माहिती अशी की, विनायक नाईक हे स्वत: मोठे उद्योजक आहेत. त्यांचा इलेक्ट्रिकल व इलेक्ट्रॉनिक्सचा मोठा व्यवसाय आहे. कारवार तालुक्यातील आपल्या मूळ गावी हाणकोण येथे सातेरी देवीच्या उत्सवा निमित्त ते गेले होते. (Businessman Vinayak Naik Murder Case)

मात्र त्यांच्या आईचे श्राद्ध असल्यामुळे ते येथेच राहिले. रविवारी सकाळी ते पुण्याकडे जाण्याचा तयारीत होते. सकाळी साडेपाचच्या दरम्यान चार ते पाच अनोळखी मारेकऱ्यांनी मोटारीतून येऊन त्यांच्यावर चाकू, लोखंडी रॉड व तलवारीने हल्ला केला. यात त्यांचा जागीच मृत्यू झाला.

पत्नीकडून प्रतिकार

या वेळी त्यांची पत्नी वृषाली विनायक नाईक यांनी प्रतिकार करण्याचा प्रयत्न केला. मात्र त्या देखील जखमी झाल्या. घटनेची नोंद सदाशिवगड पोलिस ठाण्यात करण्यात आली आहे. कारवारचे पोलिस अधीक्षक के. नारायण यांनी घटनास्थळी जावून हल्ला केला.