Pune News: मंगळवारी रात्री झालेल्या पावसाने वाघोलीतील केसनंद फाटा परिसरात होर्डींग वरील फ्लेक्सचां कपडा फाटून हातगाडीवर पडल्याने भाजी विक्रेत्याचे नुकसान झाले. यामध्ये भाजी विक्रेते दाम्पत्य किरकोळ जखमी झाले.
वाघोलीत रात्री साडे नऊ वाजण्याच्या सुमारास जोरदार पाऊस वारे सुरू झाले. सुमारे अर्धा ते पाऊण तास पाऊस सुरू होता. केसनंद रोड वर अनेक विक्रेते फळ, भाजीचे दुकाने लावतात. येथील शिवम मेडिकल समोर विनोद व यमुना कापटे यांची भाजीची हातगाडी असते. वाऱ्यामुळे तेथील होर्डींग वरील फ्लेक्सचा कपडा फाटून सरळ हातगाडी वर पडला.