Pune Ganapati Visarjan: स्पीकर बंद ठेवल्याने पुण्यात मंडळांचे ठिय्या आंदोलन! मूर्ती रस्त्यावर ठेवण्याचीही तयारी

गणेशोत्सवासाठी आवश्यक साऊंड सिस्टिम च्या नियमांचे पालन करून मंडळांनी विसर्जन मिरवणुकीत रात्री बारा ते सकाळी सहा वाजेपर्यंत साऊंड सिस्टिम बंद ठेवली होती. सकाळी सहा वाजता अन्य रस्त्यांवरील साऊंड सिस्टिम सुरू करण्यात आली मात्र पोलिसांनी टिळक रस्त्यावरील मंडळांना साऊंड सिस्टिम सुरू करण्यासाठी मज्जाव केला. त्यामुळे मंडळाचे पदाधिकारी व कार्यकर्ते चांगले संतप्त झाले त्यांनी पुणे पोलीस विघ्नहर्ता न्यासच्या मंडपासमोरच ठिय्या आंदोलन केले.