Pune Ganesh Visarjan 2024: पुण्यातील बाप्पा असे होतील मार्गस्थ, गुरुजी तालीम सूर्य रथात तर तुळशीबाग जगन्नाथ पुरी रथात होणार विराजमान

गणेश चतुर्थीपासून सर्वत्र सुरू असलेल्या गणेशोत्सवाच्या आनंदसोहळ्याचा कळसाध्याय मंगळवारी (ता. १७) विसर्जन मिरवणुकीने गाठला जाणार आहे. लाडक्या गणरायाला वाजतगाजत आणि दिमाखदार मिरवणुकीने निरोप देण्यासाठी कार्यकर्ते सज्ज झाले आहेत. मानाच्या गणपतींसह सार्वजनिक गणेश मंडळांनी मिरवणुकीसाठी आकर्षक रथ, पालख्या आदींची सज्जता केली आहे.