पुणे : आंबेगाव येथील घाटात रात्री दरड कोसळली

घोडेगाव : भीमाशंकर कडे जाणाऱ्या पोखरी ता आंबेगाव येथील घाटात रात्री झालेल्या पावसामुळे दरड कोसळली आहे. सहाय्यक पोलीस निरीक्षक जीवन माने यांनी आपत्ती व्यवस्थापन कक्षाशी संपर्क साधून हा घाट एका बाजूने चालू करण्याचे प्रयत्न सुरू आहेत.

सार्वजनिक बांधकाम विभागाचे उपअभियंता सुरेश पठाडे यांनी त्वरित दखल घेऊन येथे जेसीबी पाठवून एका बाजूने रस्ता तयार करण्याचे काम सुरू केले आहे. एका बाजूने वाहतूक सुरू आहे.दुपारी एक वाजेपर्यंत हा रस्ता वाहतुकीसाठी पूर्णपणे खुला होईल अशी माहिती श्री पठाडे यांनी दिली. हा घाट अत्यंत धोकादायक असून या ठिकाणी पावसाळ्यात दरड कोसळण्याचे प्रमाण वाढले आहे. पावसाळा असल्यामुळे पर्यटक व श्री क्षेत्र भीमाशंकर जाणाऱ्या भाविकांची गर्दी वाढली आहे. या ठिकाणी कायमस्वरूपी उपाययोजना करावी अशी मागणी होत आहे.