Pune Accident : कात्रज-कोंढवा रस्त्यावर गुरुवारी (ता. १०) सकाळी नऊ पुन्हा वाजता भीषण अपघात झाला. या अपघातात एक जण जागीच ठार झाला तर पाच जण जखमी झाले आहेत. काही शाळकरी मुलांना किरकोळ जखमा झाल्या. कात्रज-कोंढवा रस्त्यावरील कोंढवा स्मशानभूमीजवळ हा अपघात झाला. जखमींना भारती हॉस्पिटल येथे उपचारासाठी दाखल करण्यात आले आहे. सदर अपघातामध्ये आठ ते दहा गाड्यांचे नुकसान झाले.
पावसाळी सिमेंट पाईप वाहतूक करणाऱ्या (एमएच १४ जेडी६९१९) गाडीचा ब्रेक फेल झाला. ती गाडी समोर असणाऱ्या टेम्पोला धडकली. टेम्पो कार आणि दोन दुचाकींना धडकल्यानंतर शाळेच्या गाडीला जाऊन धडकला. पुढे असणाऱ्या शाळेच्या बसची हायवा ट्रकला धडक बसल्याने विद्यार्थ्यांना दुखापत झाली असल्याचे प्रत्यक्षदर्शीने सांगितले.
पोलिसांनी दिलेल्या माहितीनुसार, प्रशांत कृष्णा चौरे (वय ४३, रा. धनकवडी) असे अपघातात मृत्यू झालेल्या व्यक्तीचे नाव आहे. अपघातामुळे एका बाजूने वाहनांच्या लांबच लांब रांगा लागलेल्या असून त्या स्माशानभूमीपासून कात्रज चौकापर्यंत असल्याने पूर्णपणे वाहतूककोंडी झाली आहे. अपघातग्रस्त वाहने बाजूला काढून वाहतूक सुरळीत करण्याचे काम वाहतूक पोलिसांकडून चालू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
