पुणे : राज्य व राष्ट्रीय पातळीवर विविध स्पर्धा परीक्षा आणि एनएसओ, आयएमओ, एनटीएसई, होमी भाभा परीक्षांची तयारी कशी करावी?, त्यांचा अभ्यासक्रम, याबाबत बहुतांश विद्यार्थी व पालकांना माहिती नसते. अशा परीक्षांसह इंजिनिअरिंग, मेडिकल व सायन्समधील करिअरच्या संधी व प्रवेश परीक्षांबाबत रविवारी (ता. २३) सकाळी १० वाजता मयूर कॉलनी- कोथरूड येथील बाल शिक्षण मंदिरात चर्चासत्र आयोजित केले आहे.
‘सकाळ विद्या’ व एक्सलंट एज्युकेशन (ईएक्सईडी) यांच्यातर्फे आयोजित चर्चा सत्रात, इंजिनिअरिंग, मेडिकल व विज्ञान शाखेतील शिक्षण आणि प्रवेश; राज्य व राष्ट्रीय पातळीवर विविध स्पर्धा परीक्षांची तयारी का व कशी करावी?; एनएसओ, आयएमओ, एनटीएसई, होमी भाभा अशा परीक्षांचे स्वरूप व अभ्यासक्रम, त्यांची तयारी; आगामी काळात अभ्यासक्रमात होणारे बदल; अकरावी, बारावीसह सीईटी, जेईई, नीट परीक्षांची तयारी, अभ्यासक्रमाचे नियोजन;
देशातील नामांकित संस्था आयआयटी, एनआयटी, बीआयटी, व्हीआयटी, आयआयएससी, आयआयएसईआर, एनआयएसईआर व त्यांची प्रवेश प्रक्रिया याबाबतच्या शंकांचे निरसन चर्चासत्रातून होणार आहे. यामध्ये दहावी, अकरावी, बारावीसह सहावी ते नववीपर्यंतचे विद्यार्थीही सहभागी होऊ शकतात. त्यांना करिअर व समुपदेशन क्षेत्रातील २० वर्षांचा अनुभव असलेले प्रा. आशिष दुबे मार्गदर्शन करणार आहेत.
काय? कधी? केव्हा? कुठे?
काय? : स्पर्धा परीक्षा व करिअर अभ्यासक्रम तयारी
कधी? : रविवार, ता. २३ एप्रिल २०२३,
केव्हा? : सकाळी १० वाजता
कुठे? : बाल शिक्षण मंदिर, मयूर कॉलनी, कोथरूड
प्रवेश
विद्यार्थी आणि पालकांसाठी विनामूल्य
नावनोंदणी आवश्यक
प्रथम येणाऱ्यास प्राधान्य
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.