कबाडवाडी ता.जुन्नर येथील ओढ्यात बुधवार ता.६ रोजी सायंकाळी ८:३० वाजण्याच्या सुमारास बिबट्याच्या हल्ल्याची घटना घडली. यात हनुमंत शंकर लोखंडे वय ४२, रा.पाडळी हे किरकोळ जखमी झाले आहेत. ह्या घटननेमुळे तालुक्यातील बिबट्याच्या हल्ल्याचे सत्र काही केल्या थांबत नसल्याचे दिसून येत आहे.
जुन्नरहून लोखंडे मुलासोबत मोटारसायकलवरून सायंकाळी घरी जात असताना कबाडवाडी येथील ओढ्यात दबा धरून बसलेल्या बिबट्याने मोटरसायकलवर हल्ला केला. यात मागे बसलेल्या लोखंडे यांच्या पायाला पंजा लागल्याने ते किरकोळ जखमी झाले.
