पुणे मेट्रोने प्रवास करणाऱ्या प्रवाशांना लक्ष्मीपूजनाच्या दिवशी गैरसौईचा सामना करावा लागणार आहे. पुणे मेट्रोच्या व्यवस्थापनाने सोशल मीडिया प्लॅटफॉर्म एक्सवर एक पोस्ट करत याबद्दल माहिती दिली आहे. सध्या देशभरात दिवाळीच्या सणाला मोठ्या उत्साहात सुरूवात झाली असून १ नोव्हेंबर रोजी लक्ष्मीपूजन केले जाणार आहे. नेमके याच दिवशी पुणे मेट्रो सेवा सायंकाळी ६ वाजेनंतर बंद असणार आहे.