पुणे - मुंबई एक्सप्रेस वेवर खंडाळ्याजवळ अपघात; वाहतुकीची प्रचंड कोंडी

पुणे - पुणे मुंबई एक्सप्रेस वेवर मुंबईकडे जाणाऱ्या रस्त्यावर अपघात झाल्यानं वाहतुकीची मोठी कोंडी झाली आहे. खंडाळ्याजवळ ट्रक आणि कंटेनरची सकाळी सातच्या सुमारास धडक झाली. यानंतर क्रेनने कंटेनर बाजूल करण्यासाठी प्रयत्न केले गेले. मात्र तो बाजुला काढता आलेला नाही. यामुळे मुंबईकडे जाणाऱ्या रस्त्यावर वाहतूक कोंडी झाली आहे.

याबाबत मिळालेल्या माहितीनुसार, सोमवार असल्यानं एक्सप्रेस वे वर आज गर्दी आहे. यातच अपघात झाल्यानं वाहनांच्या लाबंच लांब रांगा लागल्या आहेत. या रांगा जवळपास पाच किलोमीटरपर्यंत आहेत. दरम्यान, पोलिसांनी दुसऱ्या लेनमधून वाहतूक सुरळीत ठेवण्याचा प्रयत्न केला आहे.