पुणे - पुणे महापालिका भवनासमोर क्रांती दिनाच्या निमित्ताने नागरी समस्यांवर आंदोलन सुरू असताना सामाजिक संघटनांच्या कार्यकर्त्यांनी काँग्रेसवर सडकून टीका केल्याने संयोजक कार्यकर्त्याला मारहाण करण्यात आल्याचा प्रकार आज (ता. ९) घडला.
सामाजिक कार्यकर्ते रूपेश केसेकर आणि अमित सिंग यांनी क्रांती दिनाच्या पार्श्‍वभूमीवर शहरातील रस्ते, खड्डे, पाणी पुरवठा, विद्युत व्यवस्था, वाहतूक कोंडी यासह इतर प्रश्‍नांवर आंदोलनाचे आयोजन केले होते. या आंदोलनाला पाठिंबा देण्यासाठी काँग्रेसचे शहराध्यक्ष अरविंद शिंदे कार्यकर्त्यांसह महापालिकेच्या समोर आंदोलनात सहभागी झाले.
राजकीय पदाधिकारी यामध्ये सहभागी झाल्याने स्वयंसेवी संस्थांच्या प्रतिनिधींवर त्यावर आक्षेप घेतला. हे पदाधिकारी श्रेय घेण्यासाठी आले आहेत. आज जी स्थिती आहे, त्यास ते देखील जबाबदार आहेत, अशी टीका करण्यात आली. काँग्रेसचे शहराध्यक्ष शिंदे यांनी यावर आक्षेप घेत आम्ही तुम्हाला पाठिंबा द्यायला आलेले आहोत.
आमच्याशी चर्चा करा अशी हरकत घेतली. त्यानंतरही भाषण सुरु असल्याने कॉंग्रेसच्या कार्यकर्त्यांनी माईक हिसकाविण्याचा प्रयत्न केला. यावेळी केसेकर आणि कॉंग्रेस कार्यकर्त्यांमध्ये झटापट झाली, त्यास केसेकर यांना मुक्कामार लागला आहे.
केसेकर म्हणाले, शहरातील समस्यांवर नागरिकांच्यावतीने आम्ही हे आंदोलन सुरू होते. त्यामध्ये राजकीय पक्षांना बोलविण्यात आलेले नव्हते. त्यामुळे त्यांना निघून जावे असे सांगितल्याने मला काही राजकीय पक्षाच्या कार्यकर्त्यांनी मारहाण केली. त्याबाबत पोलिसांकडे तक्रार केलेली नाही.
शहराध्यक्ष अरविंद शिंदे म्हणाले, ‘संयोजकांनी निमंत्रण दिल्याने आम्ही आंदोलनात सहभागी झालो. यावेळी आमच्याकडे पक्षाचे झेंडे नव्हते. पण आमच्यावरच टीका सुरू केल्याने त्यावर आक्षेप घेतला. काही कार्यकर्त्यांनी माईक काढून घेताना किरकोळ धक्काबुक्की झाली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.