पुणे : तीक्ष्ण हत्याराने तरुणांचा खून; पाच जण ताब्यात

वाघोली : पैश्याच्या वादातून तरुणाची तीक्ष्ण हत्याराने वार करून खून(Murder) केल्याची घटना मांजरी (Manjari)खुर्द ( ता हवेली ) येथे घडली. सोमवारी सकाळी हा प्रकार उघडकीस आला. या प्रकरणी गुन्हे शाखा युनिट सहाने चौघांना ताब्यात घेतले तर लोणीकंद(Police) पोलिसानी एकाला ताब्यात घेतले. (Pune Latest News in Marathi)

ही घटना सोमवारी पहाटे घडल्याची शक्यता पोलिसानी व्यक्त केली आहे. विकास लक्षुमन सोनवणे ( वय 31 ) असे खून झालेल्या तरुणाचे नाव आहे. तर हेमंत मोरे ( वय 31 ), गोविंद बनसोडे ( वय 28 ) , अभिजित महाले ( वय 27 ), शुंभम गायकवाड ( वय 28 ), तेजस मोरे ( वय 21 ) याना या प्रकरणी ताब्यात घेण्यात आले आहे.

चार जणांना गुन्हे शाखा युनिट 6 ने तर मोरे याला लोणीकंद पोलिसानी ताब्यात घेतले. पैश्यावरून पाच जणांमध्ये वाद सुरू होता. गायकवाड याने काही पैसे अन्य जणांना दिले होते. हा वाद सुरू असताना विकास याने मध्यस्ती करण्याचा प्रयत्न केला. मात्र ती मध्यस्ती अंगलट आली. त्याचाच तीक्ष्ण हत्याराने वार करून खून करण्यात आला. घटनास्थळी युनिट सहा तसेच लोणीकंद पोलीस ठाण्याच्या अधिकाऱ्यांनी भेट दिली.