Pune Manchar : पुणे नाशिक राष्ट्रीय महामार्गावर ऐन दिवाळीत मंचरजवळ सकाळपासून वाहतूक कोंडी

मंचर : “पुणे-नाशिक राष्ट्रीय महामार्गावर मंचर शहराच्या जवळ दक्षिण बाजूला चार किलोमीटर अंतरावर असलेल्या अवसरी पेठ घाट ते थ भोरवाडी-तांबडेमळा (ता.आंबेगाव) येथे ऐन दिवाळीच्या सणात सिमेंट काँक्रिटीकरण रस्त्याचे काम सुरु आहे. त्यामुळे रस्त्याच्या पूर्व बाजूचा दोन पदरी रस्ता बंद आहे. .पश्चिम बाजुला असलेल्या दोन पदरी रस्त्यावरून पुणे व नाशिककडे ये-जा वाहतूक व्यवस्था केली आहे.पण रस्ता अपुरा पडत असल्याने शनिवारी (ता.२६) सकाळी नऊ ते संध्याकाळी साडेचार या वेळेत झालेल्या वाहतूक कोंडीने प्रवाश्यांनी संताप व्यक्त केला.निवडणूक प्रशिक्षणात जाणाऱ्या अधिकारी व कर्मचाऱ्यानाही वाहतूक कोंडीचा फटका बसला.गेली १५ दिवस येथे दररोज सकाळी व दुपारी वाहतूक कोंडीच्या समस्येला तोंड द्यावे लागत आहे.दिवाळीच्या सुट्टीमुळे शनिवारी वाहनांच्या संख्येत दुपटीने वाढ झाली आहे. “तब्बल तीन ते चार किलोमीटर पर्यंत वाहनांच्या रांगा लागल्या होत्या. हे अंतर पार करण्यासाठी एक तासापेक्षा अधिक वेळ लागला.दोन रुग्णावाहिकाही अडकल्या होत्या. एसटीतील लहान मुले व महिलांचे अतोनात हाल झाले.” अशी माहिती ओतूर (ता.जुन्नर) येथील प्रवासी विनायक तांबे यांनी दिली.या रस्त्यावर होणाऱ्या वाहतूक कोंडीबाबत ‘सकाळ’ मध्ये सोमवारी (ता.१४) वाहतूक कोंडीची बातमी फोटोसह प्रसिद्ध झाली होती. त्यानंतर ठेकेदाराने सात ते आठ सुरक्षा रक्षकांची नेमणूक केली. पण वाहनांची संख्या वाढल्याने वाहतूक कोंडीचा प्रश्न सुटला नाही. असे ग्रामस्थ मयूर भोर यांनी सांगितले.हेही वाचा.Traffic Issue : पुणे-नाशिक राष्ट्रीय महामार्गावर मंचरजवळ वाहतूक कोंडी; दीड ते दोन किलोमीटर वाहनांच्या रांगा, रुग्णवाहिकांनाही फटका.“दरम्यान तांबडेमळा-भोरवाडी हद्दीच्या कार्यक्षेत्रात दोन्ही बाजूनी सेवारस्ता नाही. त्यामुळे राष्ट्रीय महामार्गावरूनच स्थानिक शेतकरी, विद्यार्थी व वाहन चालकांना ये-जा करावी लागते. परिणामत: अपघात होऊन तीन जणांचा मृत्यू झाला असून पाच ते सहा जणांना अपंगत्व आले आहे. सेवा रस्ता त्वरित व्हावा.” अशी मागणी निवेदनाद्वारे तांबडेमळा ग्रामपंचायतीच्या सरपंच प्राजक्ता तांबडे व अवसरी खुर्दचे सरपंच वैभव वायाळ यांनी पुणे नाशिक राष्ट्रीय महामार्गाचे प्रकल्प संचालक संजय कदम व प्रकल्प समन्वयक अभियंता दिलीप मेदगे यांच्याकडे केली आहे.चौकट:“वाहतूक कोंडीचा प्रश्न ऐरणीवर आला आहे. सध्यस्थितीत रस्त्याचे सिमेंट काँक्रिटीकरण काम थांबवावे व दिवाळीनंतरच सुरु करावे. अन्यथा गावकर्यांना आंदोलन करून रस्त्याचे काम बंद पाडावे लागेल.”- प्राजक्ता विजय तांबडे, सरपंच आदर्शगाव तांबडेमळा (ता.आंबेगाव).“अवसरी खुर्द येथे कवायत्री शांता शेळके सभागृहात निवडणुकीनिमित्त झालेल्या प्रशिक्षणासाठी अधिकारी व कर्मचारी उशिरा आले. त्यांनाही वाहतूक कोंडी समस्येला सामोरे जावे लागले. सध्या रस्त्याचे काम बंद ठेऊन दिवाळी नंतरच काम सुरु करण्याच्या सूचना संबंधित विभागाला व ठेकेदाराला दिल्या जातील.”- गोविंद शिंदे, निवडणूक निर्णय अधिकारी तथा प्रांत आंबेगाव शिरूर विधानसभा मतदार संघ.दृष्टीक्षेपात :-• सध्या दिवाळी सणानिमित्त रस्त्यावरून ये-जा करणाऱ्या वाहनांची संख्या वीस हजारापेक्षा अधिक.• पेठ अवसरी घाटात सुरक्षा कठडे नसल्याने अपघाताचे प्रमाण वाढले.भोरवाडी-तांबडेमळा (ता.आंबेगाव) : पुणे-नाशिक राष्ट्रीय महामार्गावर दररोज होणारी वाहतूक कोंडी..ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Pune Manchar : पुणे नाशिक राष्ट्रीय महामार्गावर ऐन दिवाळीत मंचरजवळ सकाळपासून वाहतूक कोंडी

Related Stories