Pune Accident - पुणे-नाशिक राष्ट्रीय महामार्गावर भोरवाडी- अवसरी खुर्द (ता.आंबेगाव) येथे शुक्रवारी (ता.५) सकाळी सात वाजता पुण्याहून नाशिककडे जाणारा चाळीस फूट लांबीचा ट्रेलर (एच आर ४७ सी २३१८) रस्त्यातच मध्यभागी पलटी झाला.
त्यामुळे पुणे व नाशिकला जाणारी वाहतूक ठप्प झाली होती. दोन्ही बाजूने एक किलोमीटर वाहनांच्या रांगा लागलेल्या होत्या.मंचर पोलिसांनी दोन क्रेनची व्यवस्था केल्याने शुक्रवारी दुपारी पावणेबारा वाजता रस्त्यातून ट्रेलर बाजूला करण्यात यश आले. तब्बल पाच तासानंतर वाहतूक पूर्ववत सुरु झाली आहे. त्यामुळे वाहतूक कोंडी आटोक्यात आली आहे.
पुण्याहून नाशिककडे जात असताना कारला वाचविताना टेलर चालकाचा ताबा सुटल्याने भोरवाडीच्या पुलानजीक टेलर पलटी झाला होता.सकाळी नऊ वाजता मंचर पोलीस ठाण्याचे पोलीस पथक घटनास्थळी आले. पण मोठ्या क्षमतेचा क्रेन उपलब्ध होण्यास विलंब झाला.
क्रेन व्यावसायिक बादशहा इनामदारदोन क्रेन उपलब्ध करून दिले.तब्बल अर्धा तास प्रयत्न केल्यानंतर रस्त्याच्या मध्यभागी पलटी झालेला टेलर रस्त्यातून बाजूला काढण्यात यश आले. अशी माहिती मंचर पोलीस ठाण्याचे पोलीस नाईक हेमंत मडके यांनी दिली.दरम्यान वाहतूक कोंडीतून सुटका झाल्याने वाहनचालक व प्रवाश्यांनी समाधान व्यक्त केले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
