Junnar news: काळवाडी(ता.जुन्नर)येथील काळेवस्ती शिवारातील शेतकरी सुरेश गेणभाऊ वामन यांच्या शेतात वनविभागाने लावलेल्या पिंजऱ्यात रविवारी एक बिबट्या जेरबंद झाला.
काळवाडी येथील रुद्र फापाळे या आठ वर्षीय मुलाचा बिबट्याच्या हल्ल्यात मृत्यु झाला होता.त्या घराच्या जवळच हा बिबट जेरबंद करण्यात आलेला आहे.या घटने नंतर वनविभागाने या परिसरात पिंजरे लावले होते.
यापुर्वी काळवाडी या ठिकाणी ३ बिबटे जेरबंद केले होते.आज पकडलेल्या बिबट हा चौथा बिबट असल्याचे वनविभागाने सांगितले.सदर बिबट तीन वर्षीय मादी असल्याचे वनविभागाचे वनपाल संतोष साळुंखे यांनी सांगितले.
काळवाडी,पिंपरी पेंढार व पिंपळवंडी या परिसरात मागील काही दिवसात एकूण नऊ बिबटे जेरबंद करण्यात आलेले आहेत.सदर बिबट्याला माणिकडोह येथील बिबट निवारा केंद्रात रेस्क्यु टीमचे सदस्य बाबाजी खर्गे,ऋषी गायकवाड,नगडवाडी रेस्क्यु टीमचे सदस्य यांनी नेले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
