Fire: आळेफाटा येथे १२ टायर मालवाहू वाहन आगीत जळून खाक झाल्याची घटना शुक्रवारी पहाटेच्या सुमारास घडली.याबाबत मिळालेल्या माहितीनुसार आळेफाटा(ता.जुन्नर)येथील सुर्यकांत शिंदे यांनी आपली एम.एच.१४ ई.एम.९५२७ हि १२टायर मालवाहतुक गाडी गुरूवार २३ नोव्हेंबर रोजी रात्री ९ च्या सुमारास ओतुर रोड वर असलेल्या राजू बेळगावकर यांच्या गॅरेजमध्ये लावुन घरी गेले होते .
रात्री २ वाजण्याच्या सुमारास अचानक पणे गाडी ने पेट घेतल्याने जवळच गॅरेज मध्ये झोपलेल्या कामगारांना जाग आल्याने त्यांनी तात्काळ धाव घेत पाणी टाकून आग विझविण्याचा प्रयत्न केला परंतु आग आटोक्यात येत नसल्याने जुन्नर या ठिकाणाहून अग्निशमन दलाच्या गाडीस पाचरण करण्यात आले.
मात्र अग्निशमन वाहन जुन्नर हुन आळेफाटा ला पोहोचेपर्यंत मालवाहू ट्रक पुर्णपणे जळून खाक झाला होता. तसेच या ट्रक ला आग नेमकी कश्यामुळे लागली हे अद्याप स्पष्ट झालेले नसून घटनास्थळी आळेफाटा पोलीस स्टेशनचे पोलीस निरीक्षक यशवंत नलावडे यांनी भेट देऊन पंचनामा केला आहे . दरम्यान आळेफाटा हे पुणे- नाशिक व नगर -कल्याण या दोन राष्ट्रीय महामार्गांला जोडणारे मध्यवर्ती ठिकाण असुन या ठिकाणी वहानांची मोठ्या दररोज प्रमाणावर खरेदी विक्री होत असते.
या परिसरात गेल्या २ वर्षात ५ वाहन जळीताच्या दुर्घटना घडल्या असुन या ठिकाणी मोठी बाजार पेठ,अनेक मोठाले दवाखाने असुन आळेफाटा परिसरात स्वतंत्र अग्निशमन दलाची व्यवस्था असणे अत्यंत गरजेचे असल्याने पुढील काळात शासनामार्फत तातडीने अग्निशमन दलाची व्यवस्था न केल्यास मनसेमार्फत आंदोलन करण्यात येईल असा कडक इशारा आळेफाटा मनसे चे शहाराध्यक्ष सचिन गडगे यांनी दिला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
