किरकटवाडी - घरगुती वादातून एका तरुणाने खडकवासला धरणात उडी घेऊन आत्महत्या केल्याची घटना उघडकीस आली असून आज सकाळी पाटबंधारे विभागाच्या अधिकाऱ्यांना मृतदेह पाण्यावर तरंगताना दिसून आला. स्वप्निल रामभाऊ कणसे (वय 34, मुळ रा. लोखंडी सावरगाव ता. अंबेजोगाई जि. बीड, सध्या रा. सिद्धी हाईट्स, शिवणे, पुणे.) असे मृत तरुणाचे नाव आहे.
पेंटींगचे काम करणाऱ्या स्वप्नीलला दारुचे व्यसन असल्याने त्याचे घरातील इतर सदस्यांबरोबर सातत्याने लहानमोठे वाद होत होते. काल वाद झाल्यानंतर स्वप्निल घरातून निघून गेला होता. स्वप्निल घरी न आल्याने त्याच्या आईने उत्तमनगर पोलीस ठाण्यात तो बेपत्ता असल्याची तक्रार दाखल केली होती. आज सकाळी 10 वाजण्याच्या सुमारास खडकवासला धरणाच्या अकरा नंबर मोरी जवळ पाटबंधारे विभागाच्या कर्मचाऱ्यांना पाण्यावर मृतदेह तरंगत असल्याचे आढळून आले.
पाटबंधारे विभागाच्या कर्मचाऱ्यांनी तातडीने याबाबत हवेली पोलीस ठाण्याला माहिती दिल्यानंतर पोलीस निरीक्षक सचिन वांगडे यांच्या मार्गदर्शनाखाली पोलीस हवालदार निलेश राणे,विलास प्रधान, दिनेश कोळेकर, दिपक गायकवाड, महेंद्र चौधरी, प्रविण ताकवणे हे तातडीने घटनास्थळी दाखल झाले होते. विभागीय अग्निशमन अधिकारी सुजित पाटील यांच्या मार्गदर्शनाखाली दाखल झालेल्या पीएमआरडीए च्या नांदेड सिटी अग्निशमन केंद्राच्या जवानांनी मृतदेह पाण्याबाहेर काढला. मृतदेह उत्तरीय तपासणीसाठी ससून रुग्णालयात पाठविण्यात आला असून हवेली पोलीस पुढील कार्यवाही करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
