Latest Pune News| शहरात गेल्या काही दिवसांत वाढत्या गुन्हेगारी घटनांमुळे संपूर्ण शहर हादरून गेले आहे. टोळीयुद्धातून माजी नगरसेवक वनराज आंदेकर यांच्यावर गोळीबार करून खून करण्यात आला. हडपसर परिसरात अल्पवयीन तरुणांनी एका बॅंक कर्मचाऱ्याचा खून केल्याची घटना घडली.
धनकवडी परिसरात एका टोळक्याने दोघा तरुणांवर कोयत्याने वार करून गंभीर जखमी केले. रविवारी एकाच रात्रीत घडलेल्या या घटनांवरून शहरातील कायदा व सुव्यवस्थेबाबत प्रश्नचिन्ह निर्माण झाल्याचे दिसून येत आहे.
शहरात गुंड टोळ्यांकडून क्षुल्लक कारणांवरून कोयत्याने हल्ला करण्याच्या घटना घडत आहेत. धनकवडीत पंचवटी सोसायटीजवळ गुंड टोळक्याने एका तरुणासह त्याच्या मित्रावर कोयत्याने वार करून गंभीर जखमी केले.