पुणे - सणाच्या नावाखाली खंडणी मागणाऱ्या टोळक्याने मोबाईल शॉपीमधील एका तरुणाला जबर मारहाण केली. त्यात या तरुणाच्या डोक्याला गंभीर दुखापत झाली आहे. याप्रकरणी समर्थ पोलिसांनी चारजणांना अटक केली आहे.
रास्ता पेठेतील कादरभाई चौकाजवळ मोबाईल शॉपीमध्ये शनिवारी (ता. १५) हा प्रकार घडला. याप्रकरणी नावेद जाकिर अन्सारी (वय २४) या तरुणाने फिर्याद दिली आहे. तर, अमान इब्राहिम खान (वय २१) हमजा तसवर शेख (वय १९), हाफीज ऊर्फ हुजेफा इसाक शेख (वय २१), महम्मद वसीम खान (वय १९, सर्व रा. सत्तार चाळ, नाना पेठ) अशी अटक केलेल्यांची नावे आहेत.
पोलिसांनी दिलेल्या माहितीनुसार, आरोपींनी मोबाईल शॉपीमधील तरुणाला ‘सणासाठी वर्गणी दे, अन्यथा दुकान फोडू,’ अशी धमकी दिली. फिर्यादी तरुण आणि त्यांच्या भावाने पैसे देण्यास नकार दिला. त्यावर आरोपींनी गॅरेजमधील पान्ह्याने तरुणाच्या डोक्यात मारुन गंभीर जखमी केले. याबाबत समर्थ पोलिस ठाण्यात खंडणीचा गुन्हा दाखल केला आहे.
फरासखाना विभागाचे सहायक पोलिस आयुक्त सतीश गोवेकर आणि समर्थ पोलिस ठाण्याचे वरिष्ठ निरीक्षक रमेश साठे यांच्या मार्गदर्शनाखाली सहायक निरीक्षक प्रसाद लोणारे आणि त्यांच्या पथकाने खंडणीखोरांना जेरबंद केले. न्यायालयाने आरोपींना दोन दिवसांची पोलिस कोठडी सुनावली आहे. पुढील तपास सहायक निरीक्षक लोणारे करीत आहेत.
खंडणी मागितल्यास पोलिसांना कळवा
कोणीही जबरदस्तीने वर्गणीच्या नावाखाली खंडणीची मागणी केल्यास नागरिकांनी पोलिस ठाण्यात संपर्क साधावा, असे आवाहन परिमंडळ एकचे पोलिस उपायुक्त संदीपसिंह गिल यांनी केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
