Pune - रोड रोमिओ व टवाळखोर यांच्याकडून त्रास होऊ नये यासाठी वाघोलीतील प्रत्येक शाळेत पोलीस काका व पोलीस काकी यांची नियुक्ती करण्यात आली आहे. काही प्रकार आढळून आल्यास शाळा व पालक त्यांना संपर्क करतील. अशी माहिती लोणीकंद पोलीस ठाण्याचे वरिष्ठ पोलीस निरीक्षक विश्वजित काईंगडे यांनी दिली.
येथील लेक्सिकॉन स्कुल मध्ये वाघोलीतील सर्व स्कुलच्या मुख्यध्यापक व संचालकांची बैठक बोलविण्यात आली होती. या बैठकीत काईंगडे यांनी मार्गदर्शन केली. शाळा भरते वेळी व सुटते वेळी शिक्षकांनी, कर्मचाऱ्यांनी बाहेर उभे राहून लक्ष ठेवावे. काही प्रकार आढळून आल्यास त्वरित पोलिसांना कळवावे. असे आवाहन त्यांनी यावेळी केले.
रोड रोमिओ व टवाळखोरांकडून त्रास होऊ नये. मुलींना सुरक्षित शाळेत जाता यावे यासाठी हे अभियान राबविण्यात येत आहे. यावेळी प्रत्येक शाळेला नियुक्त पोलीस काका व पोलीस काकी यांचे नाव नंबर असलेले पोस्टर वाटप करण्यात आले.
याप्रसंगी वरिष्ठ पोलीस निरीक्षक विश्वजित काईंगडे, पोलीस निरीक्षक ( गुन्हे ) मारुती पाटील, सीमा ढाकणे, सर्व अधिकारी, कर्मचारी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
