पुण्यातील कल्याणीनगरमध्ये अल्ववयीन मुलाच्या कारच्या धडकोत मृत्युमुखी पडलेल्या अश्विनी कोष्टा या तरुणीचे वडील सुरेश कोष्टा यांची पहिली प्रतिक्रिया समोर आली आहे.
सुरेश कोस्टा यांनी मंगळवारी आपल्या मुलीला न्याय मिळावा, अशी मागणी करत घटनेनुसार आरोपींवर कारवाई व्हावी, जेणेकरून लोक यातून धडा घेतील, असे म्हटले आहे. सुरेश कोष्टा पुढे म्हणाले की, आम्ही आमची मुले मोठी होईपर्यंत त्यांना वाहनांना हात लावू दिला नव्हता.
या अपघातात मृत्यूमुखी पडलेल्या अश्विना कोस्टाचा मोठा भाऊ समर याने सांगितले की, ती गेल्या सहा वर्षांपासून पुण्यात होती. तिने अभियांत्रिकीचे शिक्षण घेतले होते. दोन वर्षांपासून ती पुण्यात नोकरी करत होती. आमच्या कुटुंबात ती वडिलांची लाडकी होती.
19 मे रोजी भरधाव वेगात आलेल्या पोर्शे कारने एका दुचाकीला मागून धडक दिली होती. यामध्ये अनिश अवधिया आणि अश्विना कोस्टा यांचा मृत्यू झाला होता.
दरम्यान या प्रकरणी आरोपीला एकाच दिवसात बाल न्याय मंडळाने जामीन मंजूर केला होता. तर आज अल्पवयीन आरोपीच्या वडिलांना पुणे पोलिसांनी संभाजीनगरमधून अटक केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.