संपूर्ण जगभरात गाजलेल्या कल्याणी नगर पोर्श अपघातातील चार चाकी सध्या येरवडा पोलीस ठाण्याच्या आवारात उभी करण्यात आली आहे. मात्र या चारचाकीवर झाकलेल्या प्लास्टिकच्या कागदावर पावसाचे पाणी साचून तेथे डासांची पैदास होऊ लागली आहे.
सध्या पुण्यात सर्वत्र डेंग्यूची साथ मोठ्या प्रमाणात पसरली आहे. पोलीस ठाण्याच्या आवारातील अपघातातील पोर्श चार चाकी तसेच इतर प्रकरणात पोलिसांनी जमा केलेली इतर अनेक चार चाकी वाहने येरवडा पोलीस ठाण्याच्या आवारात उभी आहेत. यामध्ये पाणी साचून डासांची उत्पत्ती झाल्यास पोलीस कर्मचाऱ्यांचा आरोग्याचा प्रश्न निर्माण होण्याची शक्यता आहे.
पोलीस ठाण्याच्या आवारात गवत वाढल्यामुळे अगोदरच येथे येणाऱ्या नागरिकांना आणि पोलीस कर्मचाऱ्यांना डासांचा सामना करावा लागत आहे. त्यामुळे संपूर्ण परिसराची स्वच्छता होणे गरजेचे आहे.
याविषयी विचारणा करण्यासाठी येरवडा पोलीस ठाण्याचे वरिष्ठ पोलीस निरीक्षकांची फोनवरून संपर्क साधला मात्र त्यांनी प्रतिसाद दिला नाही. येरवडा पोलीस ठाण्यातील एका अधिकाऱ्याने सांगितले की या पोर्शवर आरटीओने प्लास्टिकचा कागद झाकला आहे. आम्ही झाकला नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
