सिंहगड : सिंहगड रस्त्यावरील गोऱ्हे बुद्रुक गावच्या हद्दीत संत धर्माजी महाराज मंदिरापासून काही अंतरावर पुलाच्या कठड्याला धडकून कारचा भिषण अपघात झाला आहे. अपघाताची तीव्रता एवढी होती की कारची पुढची दोन्ही चाके, इंजिन व इतर भाग तूटून बाजूला पडले होते. सुदैवाने एअरबॅग उघडल्याने जीवीत हानी झालेली नाही. पहाटे तीन वाजण्याच्या सुमारास हा अपघात झाल्याचे जवळच असलेल्या हॉटेलच्या सुरक्षारक्षकांनी सांगितले.
डोणजे बाजूकडून पुण्याकडे येत असताना हा अपघात झाल्याचे दिसून येत असून अपघाताच्या अगोदर सुमारे चाळीस ते पन्नास मीटर अंतरापासून कार मुख्य रस्ता सोडून बाजूने येऊन पुलाच्या सिमेंट कॉंक्रिटच्या कठड्याला जोरात धडकली आहे. अपघाताचा आवाज ऐकून जवळच असलेल्या हॉटेलचे सुरक्षारक्षक मदतीसाठी धावले. सुरक्षारक्षकांनी गाडीत अडकलेल्या एकाची सुखरूप सुटका केली.
रविवार असल्याने सकाळपासूनच पर्यटकांच्या वाहनांची वर्दळ सुरू आहे. येणारी-जाणारी वाहने थांबवून नागरिक अपघातस्थळी पाहण्यासाठी गर्दी करत होते. कारची अवस्था पाहून नागरिक अपघाताच्या तीव्रतेबाबत चर्चा करताना दिसत होते. सुदैवाने एअरबॅग उघडल्याने व सुरक्षारक्षक वेळीच मदतीसाठी धावल्याने या अपघातात जीवीत हानी झालेली नाही.
पोलीसांना माहितीच नाही...... एवढा मोठा अपघात घडला असताना व चारचाकी पुलावर अडकलेली दिसत असताना पोलिसांना मात्र या अपघाताबाबत कोणतीही माहिती नव्हती. हवेली पोलीसांची रात्रगस्तीची गाडीही तेथून गेली मात्र त्यांनाही काही दिसले नाही. याबाबत हवेली पोलीस ठाण्याचे पोलीस निरीक्षक सदाशिव शेलार यांच्याशी संपर्क साधला असता कोणीही खबर दिलेली नसल्याचे तसेच जखमींबातही कोणत्याही रुग्णालयाकडून एमएलसी आलेली नसल्याचे त्यांच्याकडून सांगण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.