खडकवासला : सिंहगडावरील वनविभागाची कारवाई दुपारी थंडावली. त्यानंतर गडावर फिरताना कोरोना काळापेक्षा भयानक परिस्थिती पहावयास मिळाली. उद्धवस्त झालेली हॉटेल… अस्तावस्त पडलेले साहित्य… गजबजलेली पायवाट आज निशब्द आणि करूणामय झाली होती… आत्मविश्वास गमावून बसलेले चेहरे… प्रतिक्रियेला होती अश्रूंची किनार… अशा सन्नाटा पूर्ण वातावरणात आजचा सूर्य मावळतीला गेला.
नेहमी गजबजलेला वाहनतळ आज रिकामा दिसत होता. तेथील चालक- मालक त्या पाडकाम केलेल्या ढिगाऱ्यात अस्तित्व शोधत होते. पण या पाच सहा व्यक्ती असून ही तेथे जिवंतपणा दिसत नव्हता. पुणे दरवाजाच्या पायऱ्या चढताना डाव्या बाजूची ऊर्जा देणारी लिंबू सरबतची ओळ आज अशक्त झाली होती.
दुसऱ्या दरवाजातील आजी हसऱ्या चेहऱ्याने आवर्जून आवाज देत पण आज त्यांना अश्रू अनावर झाले होते. गणेश टाक्याजवळील खेळणी विक्री करणारी दुकान होती. येथे खेळण्यासाठी हट्ट करणारी मुले दिसत नव्हती.
वन विभागाच्या विश्रामगृहासमोरुन टिळक बंगल्याकडे जाताना मावशी नेहमी आस्थेने चौकशी करायच्या… आज त्यांची, काय झाले हे, आता आमचं कसं होणार अशी त्यांची आर्जव होती. नरवीरांच्या समाधीच्या अलीकडे परिसरात जास्त हॉटेल आहेत. तेथे साहित्य, कागद, बांबूची गर्दी होती. नेहमी तातडीने चहा देणाऱ्या वहिनी आज मात्र अश्रू रोखू शकल्या नाही. साहित्याची उचलाउचला करण्यात त्या व्यस्त होते. आणि आज सूर्योदयाच्या पूर्वी अतिक्रमण कारवाई सुरू झाली. परिसर उध्वस्त करून सूर्य मावळतीला गेला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.