Pune : नाणेघाटात आलेल्या बडोद्याच्या पर्यटकाचा पाण्यात बुडून मृत्यू

जुन्नर - नाणेघाट ता.जुन्नर येथे फिरण्यासाठी असलेल्या बडोदा (गुजरात) तेथील पर्यटकाचा पाण्यात बुडून मृत्यू झाल्याची दुर्घटना घडली आहे. संजय बालमुकुंद केडिया वय ४२, रा. ए-७०१ सेलिब्रिटी लक्झरीया मोटरचे पाठीमागे सनफार्मा रोड, बडोदा, गुजरात असे मृत पर्यटकाचे नाव असून ही घटना २३ सप्टेंबर रोजी रात्री घडली.

याबाबत प्रकाश नरोत्तमल बैगानी रा. एफ ७०१ कल्पतरू हार्मनी, वाकड, पुणे यांनी पोलीसांकडे फिर्याद दिली आहे. संजय व प्रकाश दोघे नाणेघाट येथे फिरण्यासाठी आले होते. येथील एका रिसॉर्ट मध्ये थांबले होते. दोघे रिसॉर्टच्या मागे असलेल्या ओढ्याच्या पाण्यात आंघोळीसाठी गेले असता संजय यास पाण्याचा अंदाज न आल्याने त्याचा पाण्यात बुडून मृत्यु झाला असून पोलिसांनी आकस्मिक मृत्यू नोंद केली असल्याचे पोलीस निरीक्षक नारायण यांनी सांगितले.